/

पारस वीज केंद्र संच- ४ चा २६७ दिवस अखंडित वीज उत्पादनाचा नवा ऐतिहासिक विक्रम

महानिर्मितीच्या आजवरच्या इतिहासात अखंडित वीज उत्पादन करण्याचा नवा विक्रम पारस वीज केंद्राच्या नांवे

चंद्रपूर वीज केंद्र संच-३ चा मोडला विक्रम

पारस ९ एप्रिल २०२४ : महानिर्मितीच्या पारस वीज केंद्राने वीज उत्पादनात कायम नावलौकिक राखला आहे. २५० मेगावाट क्षमतेचा  हा संच क्रमांक ४ सलग मागील २६७ दिवसांपासून सुरू आहे. अखंडित वीज उत्पादन करीत असल्याने महानिर्मितीच्या आजवरच्या इतिहासात  या संचाने नवीन ऐतिहासिक विक्रम प्रस्थापित केला आहे. २१० मेगावाट चंद्रपूर  संच क्रमांक-३ च्या नावे या अगोदर अखंडित वीज उत्पादनाची सन २००९ मध्ये २६६ दिवसांच्या विक्रमाची नोंद होती तो विक्रम मोडून पारस वीज केंद्राने आपले नांव कोरले आहे. 

पारस संच क्रमांक ४ ने या २६७ दिवसांत १३८५.१ मिलियन युनिटस आणि सरासरी २१६ मेगावाट सह वीज उत्पादन केले आहे.  

पारस वीज केंद्राने नोव्हेंबर-२०२३ (९०.२२%), जानेवारी-२०२४ (९१.०२%) आणि फेब्रुवारी-२०२४ (९५.५५%) मध्ये मासिक महाराष्ट्र वीज नियामक आयोग उपलब्धता घटक वर Zero Disallowance ''शून्य नामंजूर'' लक्ष्य यशस्वीरीत्या साध्य केले आहे हे विशेष. 

पारस वीज केंद्राने  ने २०२३-२०२४ आर्थिक वर्षासाठी फेब्रुवारी-२०२४ (९३.९७%) मध्ये सर्वाधिक मासिक केंद्रीय विद्युत प्राधिकरण भारांक गाठले आहे. 

पारस वीज केंद्राने  ऑगस्ट-२०२३ पासून मासिक विशिष्ट इंधन वापर वर ‘शून्य अस्वीकृती’ प्राप्त केली आहे.

पारस वीज केंद्राच्या या सर्वोत्तम कामगिरीबाबत महानिर्मिती अध्यक्ष तथा व्यवस्थापकीय संचालक, संचालक-कार्यकारी संचालक वर्ग यांनी पारस  मुख्य अभियंता आणि चमुचे हार्दिक अभिनंदन केले आहे.

उन्हाळ्यात विजेची वाढती मागणी लक्षात घेता, पारस वीज केंद्र आपला नावलौकिक कायम राखत महत्तम वीज उत्पादनासाठी  सज्ज असल्याचे मुख्य अभियंता शरद भगत यांनी सांगितले.